Juristja e medias, Flutura Kusari, ka bërë të ditur se Komisioni i Pavarur i Mediave ka planifikuar sot që ta ndryshojë rregulloren e punës që t’i krijohet mundësia me e kapë politikisht pozitën e kryetarit dhe nënkryetarit.

Kusari tha se kjo është alarmuese dhe e pabesueshme, teksa shtoi se ky ndryshim tinëzar i rregullores, pa e përfshi as në agjendë, është dëshmi që është proces i kundërligjshëm dhe politik.

“Ky ndryshim tinzar i rregullores, pa e përfshi as në agjendë, është dëshmi që është proces i kundërligjshëm dhe politik. Ndryshimi i rregullores në këtë formë është i jashtëligjshëm po ashtu”.

“Ju rikujtoj që të njëjtën metodë pushteti aktual e ka përdorë në RTK për me zgjedhë drejtorin. Copy paste e njëjta metodë. Wow”, tha Kusari.

Në pikën dy të nenit 3 “Zgjedhja e Kryetarit dhe Nënkryetarit të KPM-së”, thuhet se zgjedhja e kryetarit, përkatësisht nënkryetarit mund të bëhet brenda një muaji para skadimit të mandatit të kryetarit, përkatësisht nënkryetarit, veçanërisht për t’u siguruar që KPM nuk mbetet pa kryetar, përkatësisht nënkryetar.